Serbia po i afrohet terrenit të konfrontimit
Ambasadori i Britanisë së Madhe në Beograd, Stephen Wordsworth deklaroi të enjten se Bashkimin Evropian e ka befasuar informata se Serbia ka dorëzuar në OKB propozim-rezolutën për Kosovën, ndonëse zyrtarët e këtij Unioni kishin punuar bashkë me kolegët e tyre serbë për hartimin e një rezolute të përbashkët.“Prej se është shpallur mendimi i GJND-së para një jave, zyrtarët e Bashkimit Evropian E-së kanë punuar bashkë me kolegët e vet nga Serbia për hartimin e një rezolute të përbashkët që do t’i dërgohej Asamblesë së Përgjithshme të KB-ve”, i tha BBC-së Wordsworth.
Sipas vlerësimit të ambasadorit britanik, më mirë do të ishte që Serbia dhe BE-ja të punojnë bashkërisht dhe të merren vesh si të shkohet përpara, se sa që të punohet ndaras, sepse “kësisoj mund të përfundojmë në terrenin e konfrontimit”.
“Nuk na duket punë me mend që Serbia dhe BE-ja të konfrontohen në New York, derisa njëkohësisht Serbia pohon se dëshiron të bëhet anëtare e BE-së”.
Në vazhdim ai theksoi se ka kërkuar sqarim nga Ministria e Jashtme e Serbisë për këtë hap të ngutshëm të Beogradit, ku i është thënë se arsye e shqetësimit ka qenë se “edhe shqiptarët po planifikojnë të paraqesin propozim-rezolutë, andaj Serbia ka reaguar në mënyrë që të dërgojë e para rezolutën e saj në New York”. /Telegrafi/
Postuar: 21:04 / 29.07.2010 |
RSS 
