Drucas viziton Beogradin dhe Prishtinën
Ministri alternativ i Punëve të Jashtme Dimitris Drucas të premten do të qëndrojë për vizitë në Beograd për ta promovuar nismën e Greqisë për vënien në lëvizje të dialogut midis Serbisë dhe Kosovës, pas mendimit këshillëdhënës të Gjykatës Ndërkombëtare të Drejtësisë në Hagë për Kosovën.Ambasada e Greqisë në Beograd lajmëroi se Drucas do të bisedojë edhe me patrikun Irinej. Të shtunën do të takohet me presidentin serb Boris Tadic dhe ministrin e Jashtëm, Vuk Jeremic, me të cilin do të firmosë Memorandum për bashkëpunim midis Serbisë dhe Greqisë për çështje të Bashkimit Evropian.
Drucas nga Beogradi do të niset për vizitë në Kosovë, me ç'rast në kryeqendrën e shtetit kosovar Prishtinë do të realizojë takime me presidentin Fatmir Sejdiu dhe kryeministrin Hashim Thaçi. /makfaks/telegrafi/
Postuar: 9:41 / 30.07.2010 |
RSS 
