SHBA: Serbia gaboi me rezolutën

“Mendojmë se çdo përgjigje e Asamblesë së Përgjithshme të OKB-së ndaj opinionit të Gjykatës Ndërkombëtare të Drejtësisë duhet të fokusohet në shtyrjen përpara të Kosovës e Serbisë drejt rrugës që i çon në përmbushjen e synimeve për anëtarësim në Bashkimin Evropian”, thuhet në deklaratën e Ambasadës së Shteteve të Bashkuara në Beograd.

Sipas Ambasadës Amerikane përgjigja e Asamblesë së Përgjithshme nuk duhet t’i kthejë prapa dy vendet në çështje si ajo e statusit, pasi që është çështje e zgjidhur.

“Kosova është një shtet i pavarur dhe sovran”, thuhet ndër të tjera në këtë deklaratë. /Telegrafi/