PD: Betejë ligjore me Presidentin
Partia Demokratike (PD) nuk do të tërhiqet nga “lufta” e saj ndaj presidentit të Republikës, Bamir Topi, për ta detyruar atë që të veprojë me shpejtësi për emërimet në Gjykatën Kushtetuese.Pas deklaratës së disa ditëve më parë të deputetit demokrat, Eduard Halimi, se Topi ka shkelur Kushtetutën për mos emërimet në kohë në këtë gjykatë, ka ardhur reagimi i radhës i tij.
“Ne kemi të gjitha mjetet dhe mundësitë për të rivendosur çdo institucion në kuadrin kushtetues, në kornizën kushtetuese dhe për të mos lejuar askënd që të thyej Kushtetutën, qoftë dhe nga ideja e tij se mund të mungojë një hapësirë, ose një hapësirë tjetër, apo se mund të ketë një vakum apo një vakum tjetër. Kushtetuta e Shqipërisë nuk ka asnjë vakum, shteti ligjor nuk ka asnjë vakum dhe ne i kemi të gjitha mjetet për të vendosur respektimin e ligjit gjithkund. Sigurisht, në institucionin kryesor që është garant i Kushtetutës, që është Gjykata Kushtetuese", u shpreh sot Halimi për mediet në Tiranë. /Telegrafi/
