Irani fajëson “të huajt” për Sirinë
Ambasadori i Iranit në Organizatën e Kombeve të Bashkuara ka fajësuar të huajt për gjakderdhjen në Siri dhe ka mohuar ndonjë rol iranian. Mohamed Khazai gjithashtu tha se Irani është i gatshëm të luajë një rol në ndërmjetësimin e zgjidhjes së krizës në Siri.
Komentet e tij vijnë pasi ndërmjetësi ndërkombëtar për Sirinë, Kofi Annan, thirri një takim mbi krizën në Siri, i cili mbahet të shtunën në Gjenevë, transmeton Evropa e Lirë.
Annan tha se në takim do të marrin pjesë pesë anëtaret e përhershme të Këshillit të Sigurimit të OKB-së, Bashkimi Evropian, fqinjët e Sirisë- Turqia dhe Iraku si dhe Kuvajti e Katari. Irani nuk është përmendur.
Khazai tha se duke mos e ftuar Iranin, Perëndimi po e “neglizhon” Sirinë.
Sekretarja amerikane e Shtetit, Hillary Clinton shprehu shpresën se takimi i Gjenevës mund të jetë një “pikë kthese” në krizën siriane. /Telegrafi/
