Qeveria e re egjiptiane duhet të përfshijë gratë dhe të krishterët
Sekretarja amerikane e Shtetit ,Hillary Clinton, ka deklaruar se egjiptianët dhe komuniteti ndërkombëtar vazhdojnë të presin nga presidenti i ri egjiptian, Mohammed Morsi, që të emërojë një qeveri ku të përfshihen gra dhe të krishterë.Clinton tha se të krishterët në Egjipt dyshojnë në se një qeveri e udhëhequr nga Vëllazëria Muslimane do të qeverisë drejtë si për jo-muslimanët edhe për myslimanët. Ajo tha se Shtetet e Bashkuara do t’a vlerësojnë qeverinë egjiptiane nga veprimet dhe jo fjalët, raporton VOA.
Sekretarja e Shtetit i bëri komentet në Ëashington, pak orë pas publikimit të raportit vjetor të Departamentit të Shtetit mbi gjendjen e lirisë fetare në botën, ku shqetësim të veçantë paraqesin Kina, Eritrea, Irani, Koreja e Veriut, Sudani, Birmania dhe Uzbekistani. /Telegrafi/
