NASA: Pse kiameti nuk ndodhi dje? (Video)

15:05 / 14.12.2012

Agjencia amerikane për hulumtime hapësinore, NASA, për ditën e “apokalipsit”, 21 dhjetorin, ka përgatitur videon me titullin: "Pse dje nuk ndodhi fundi e botës". Videoja thyen të gjitha mitet që ndërlidhen me Kalendarin Maya dhe “për fundin e botës që ne e njohim”.

NASA pikë për pikë zbulon gjithçka nga mitet që ndërlidhen me Kalendarin e famshëm Maya. Astronomët dhe ekspertët hedhin poshtë pretendimet se Dielli do ta rrezatojë atmosferën e Tokës, apo se do të goditemi nga ndonjë planetin i “arratisur”.

Në rast se NASA nuk ka të drejtë, atëherë nuk do të mbetet kush të përqeshë dijetarët! Por, shkencëtarët janë shumë të sigurt se bota do të vazhdojë të ekzistojë edhe pas kësaj date.

Teoria për fundin e botës është bazuar në interpretimin e Kalendarit Maian, që gjoja thotë se bota do të pushojë së ekzistuari 21 dhjetor 2012.

Teksa afrohet kjo datë, janë shfaqur edhe teori të shumta që marrin në konsideratë mënyrat e ndryshme me të cilat bota do të ballafaqohet me shkatërrimin. Por, NASA i mohon të gjitha këto.

Një prej pohime ndërlidhet me planetin e arratisur “Nibiru” të cilin e kanë zbuluar Sumerët e lashtë, sipas të cilëve ai do të përplaset me Tokën më 21 Dhjetor.

Shkencëtarët, në anën tjetër, thonë se planeti i tillë ekziston, dhe se të gjitha teoritë apokaliptike në fakt janë rezultat i lajthitjeve.

Dr. John Carlson, drejtor i Qendrës për arkeo-astronomi thotë se Kalendari Maya nuk përfundon më 21 dhjetor 2012.

"Nuk ka asnjë profeci mayane që thotë parashikon fundin e botë. Koncepti i tyre i llogaritjes së kohës është shumë i përparuar në krahasim me të sotmen”, ka thënë Carlson. "Gjykuar nga shkenca e sotme, Big Bengu ka ndodhur 13.7 miliardë vjet më parë, por Kalendari Maian ka data që shkojnë më tej se kaq. Kalendari i tyre është projektuar për të ndjekur intervale të gjata dhe është një nga sistemet më komplekse të zhvilluara ndonjëherë".

Carlson shpjegon në video se ky kalendar i ngjanë rrugëmatësit, kështu që ai thjesht kthehet dhe nisë llogaritjen sërish kur arrin në fund.

Telegrafi ka raportuar më herët se Kalendari Maya përbëhet edhe nga 13 periudha me nga rreth 394 vite. Këto periudha njihen si baktune.

Ekspertët vlerësojnë se numërimi i viteve, sipas baktuneve, ka filluar më 3114 p.e.s. E, baktuni 13, pra 5125 vite, duhet të përfundojnë më 21 dhjetor të këtij viti. Ata po ashtu vlerësojnë se numri 13 në kulturën maya kishte kuptim të veçantë, gjë që edhe në këtë rast ajo paraqet një moment historik, por jo diçka përfundimtare.

Vetëm disa referenca për datën e diskutueshme të këtij viti gjenden të gdhendura në monumentet ku maiat sundonin, por asnjëra nuk ndërlidhet me apokalipsin. Këto vizione në të vërtetë paraqiten në njëmijë vitet e fundit në Perëndim dhe janë të lidhura me mënyrën e krishtere të të menduarit, e jo si pjesë e kulturës mayane.

Kalendarin Maya dhe sistemin e tij rrethor, edhe shkencëtari amerikan Geoffrey Braswell e krahason me matësit analogë të kilometrave.

"Sistemi i gjatë i kalendarit mayan në fakt është një numërues i kilometrave në veturë. Makina ime e parë nuk ishte në gjendje të numërojë më shumë se 160 mijë kilometra, por kjo nuk do të thotë se po t’i kaloja ato makina ime do të shpërthente”, thotë ai. /Telegrafi/

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.