Mania e çmendur për apokalipsin: “Fundi i ri i botës”, më 2017, 2023, apo kur vjen Papa nr.112!

19:33 / 23.12.2012

Fundi i botës u shty për 1 janar 2017. Kështu thonë anëtarët e kultit të vëllazërisë së quajtur Shpata e Perëndisë, sipas të cilëve atëherë apokalipsi do të ndodhë në Tokë.

Parashikimi tyre vjen dy ditë pas 21 dhjetorit, kur sipas interpretimit të gabuar të Kalendarit Maya, mëtohej se do të ndodhë fundi i botës.

Anëtarët e kultit të sipërpërmendur thonë se personalisht engjëlli Gabriel - i cili ka për“detyrë” për të përhapur mesazhin e Zotit - u ka thënë se ditën e parë të vitit 2017 do të vije koha për të vdekur. Sipas tyre, atëherë do të mbijetojnë vetëm anëtarët e këtij kulti, derisa të tjerët do të digjen në zjarrin e ferrit.

Kjo deklaratë u shfaq pasi euforia për fundin e botës, sipas mayave, ishte në “kulm” dhe kur njerëzit në tërë botën ishin mbledhur për ta festuar këtë ditë. Disa mendonin se kjo do të jetë dita e fundit në jetën e tyre, kështu që vendosën të shfrenohen, derisa të tjerët besonin se në Tokë ka vende të cilat jashtëtokësorët i ruanin nga apokalipsi, andaj vraponin të gjenin streha dhe të nderojnë shpëtimtarët nga hapësira!

Një nga këto vende ishte fshati Bugarach në Francë, që para dy ditësh tërhoqi rreth 25 njerëz të cilët prisnin se do të dalin jashtëtokësorët nga malet përreth për t’i shpëtuar. Ata kishin veshur me kostume të llojllojshme për të ngjarë me miqtë nga galaktikat tjera, të cilët me padurim e prisnin fundin e botës dhe shpëtimin e tyre!

Takime të ngjashme kishte edhe në pjesët e tjera të botës. Tubimet më masive ishin në fushat e Meksikës dhe Guatemalës, të cilat dikur ishin të banuara nga mayanët. Pasardhësit e tyre u mblodhën rreth tempullit Gran në Guatemalë për të festuar, por jo fundin e botës, po ciklin e ri kohor që do të sjellë të mira për të gjitha qytetërimet.

Kinezët e zgjuar kanë shitur bileta për barkën e Noës, që të gjithë të interesuarit të transportohen në vend të sigurt. Biletat kanë kushtuar 1.2 euro, ndërsa kishin një logo speciale të Kombeve të Bashkuara. Aty shkruante se nisja është planifikuar saktë në mesditën e ditës së fundit në botë. OKB ka demantuar se kishte lidhje me shitjen e këtyre biletave.

Tashti, për pretendimeve të anëtarëve të kultit të vëllazërisë së Shpatës së Perëndisë se fundi i botës vjen në vitin 2017, ka dalë edhe teologu Ian Gerny i cili thotë se apokalipsi do të ndodhë më 2023. Ndërkaq, moti, në vitin 1143, një shenjtor irlandez ka thënë se bota do të zhduket pasi në të do të jenë 112 krerë të kishës katolike. Papa Benedikti XVI është i 111-ti! /Telegrafi/

 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.