Televizioni paguan Klitschkovin për të rrahur deputetët (Video)
21:18 / 26.12.2012
Rrjeti televiziv ukrainas “Rada”, është i gatshëm ta paguajë kampionin e boksit dhe deputetin Vitali Klitschko me kompensime monetare, në qoftë se ai merr pjesë në rrahjet sporadike në parlamentin e shtetit.
Xhirimet e konfrontimeve fizike mes deputetëve të opozitës dhe anëtarëve të partive në pushtet gjatë një seance të mëparshme kanë përshkuar botën.
Klitschko, kampion aktual botëror në kategorinë e WBC, nuk ka ndërhyrë në rrahje, ndërsa më vonë është tallur duke thënë se këtë do ta bëjë pasi ndonjë televizion të blejë të drejtat e transmetimit.
"Televizioni ‘Rada’ është gati që me kënaqësi dhe seriozitet të flas me Vitali Klitschkovin për të blerë të drejtat promovuese për rrahjet e tij, të cilat mund të emitohen si p.sh. ‘Puna e deputetit të qarkut”, thuhet në një deklaratë.
Klitschko (41) u bë deputet parlamenti ukrainas më 28 tetor, si udhëheqës i Aleancës Demokratike për Reforma. Partia e tij ka 42 deputetë në parlamentin me 450 vende. /Telegrafi/
Komente
Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.
