Mesazhi i papritur inkurajues që u bë hit në internet

18:01 / 17.01.2013

Një përdoruese e Reddit-it, në tualetin e femra në universitetin ku punon, kishte parë rrëfime interesante, të cilat ka vendosur t’i ndajë me përdoruesit tjerë të kësaj faqeje interneti.

Vajzat në dyert dhe muret e tualetit kanë shkruar përvojat më të hidhura të jetës, ndërsa këtë javë dikush ua kthen përgjigjen. Përgjigjet janë këto:

"Për vajzën që u përdhunua: Ju jeni shumë e fortë. Unë as që mund ta imagjinoj dhimbjen që ju e keni përjetuar. Fakti se kishit guxim ta shkruani atë (madje në mur), kjo më jep shpresë...

Për vajzën që ka një çrregullim në të ushqyer: Unë ju premtoj, edhe pse nuk ju njoh, se ti je e bukur, dhe se e meriton të jesh e shëndetshme. Ti e meriton lirinë nga ky ferr.

Për vajzën që e ka babanë alkoolik: Më vjen keq për agoninë që kjo ta ka shkaktuar. Por, ky guxim është i mahnitshëm dhe ti duhet të jesh person i fortë që e ka mbijetuar atë lloj dhimbjeje.

Për vajzën babai i së cilës vdiq: Kurrë nuk do të të ndalet së munguari. Dhimbja për shkak të mungesës së tyre nuk mund të largohet kurrë. Por, dashuria që kishin, kujtimet që i ndani, pa dyshim se do të mbesim. Jam e sigurt, thellë në zemrën time, se njerëzit që të kanë lënë në këtë botë janë jashtëzakonisht krenarë për atë se çfarë personi je ti.

Çdo herë që unë i shoh këto mure, këto rrëfime, ndihem e bekuar kur e di se e kam privilegjin t’i shoh. Momentet e juaja, këto sekrete, janë të vlefshme, edhe pse të pikëlluara.

Për të gjithë ju (përfshirë ato që i kam përmendur, dhe ato që nuk kanë shkruar ende asgjë):

- Ju vleni.
- Ju jeni të forta.
- Ju jeni të guximshme.
- Jeni të dashura.
- Dikush brengoset për ju”. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.