SHBA kontrollon listën me të dyshuarit terroristë
Pas sulmit të dështuar ndaj një avioni në Detroit, autoritetet amerikane kanë nisur kontrollin e të gjitha listave me emrat e të dyshuarve terroristë. Këtë e bëri të ditur një zëdhënës i Shtëpisë së Bardhë. Pas tentativës për sulm më 25 dhjetor, nigeriani i arrestuar Umar Faruk Abdulmutallab ndodhet në një prej listave të vëzhgimit të dyshuarve terroristë në SHBA.
Presidenti i SHBA-së Barack Obama këtë të martë në mbrëmje do të bisedojë me shefin e shërbimit sekret për konsekuencat nga mossuksesi dhe mospërfillja e autoritetit të sigurimit në përgatitjen për parandalimin e sulmit. /DW/
