Kina, Rusia, India 53 miliardë dollarë në fondin antikrizë të FMN-së
Kina ka njoftuar se do të kontribuoj me 43 miliardë dollarë në Fondin Monetar Ndërkombëtar (FMN) për t’i parandaluar krizat ekonomike.
Rusia dhe India kanë premtuar nga 10 miliardë dollarë. Këto premtime janë bërë në kuadër të samitit G20 në Meksikë.
Me rastin e shpalljes së kontributit rus, presidenti Putin e ka kritikuar përgjigjen ndaj krizës në Eurozonë, duke thënë se ajo ka arritur në situatë që të nxitet likuiditeti e jo të kërkohet “zgjidhje sistematike”.
FMN-ja dje ka shpallur se i janë premtuar 456 miliardë dollarë, me gjithë se kishte kërkuar 430 miliardë dollarë. /Telegrafi/
