SharrCem: Ndërprerja e rrymës, problem teknik i brendshëm
Fabrika e çimentos “SharrCem” ka njoftuar se pas analizave të bëra nga ekspertët teknik të fabrikës, është konkluduar se shkaku i ndërprerjes së energjisë elektrike gjatë datës 10 korrik 2012, ka qenë një problem teknik i rrjetit të brendshëm e jo ndërprerja e energjisë elektrike nga Korporata Energjetike e Kosovës.SharrCem ka shprehur keqardhje për çdo keqkuptim dhe për reagim të ngutshëm, i cili sipas tyre, ka rrjedhur si pasojë e sulmeve të kohëve të fundit.
“SharrCem mbetet i përkushtuar që të kryejë pjesën e obligimeve të saja që dalin nga kërkesa për vendosje të masave mbrojtëse, duke u zotuar edhe njëherë të respektojë në përpikmëri të gjitha pikat e vendimit, përfshirë edhe mos ngritjen e çmimit, prandaj pohimet e akterëve të ndryshëm për rritje të çmimit nuk qëndrojnë. ‘SharrCem’ vazhdon të përmbushë misionin e saj për të qenë edhe më tej njëri ndër tatimpaguesit më të mëdhenj në Kosovë, por edhe duke vazhduar të plotësojë të gjitha obligimet e saj ndaj më shumë se 500 të punësuarve, si dhe duke qenë shembull në implementimin e parimeve të përgjegjësisë shoqërore korporatave”, thuhet në reagimin e kësaj fabrike. /Telegrafi/
