Greqia siguron këstin e radhës të ndihmës

16:21 / 13.12.2012

Ministrat e Financave të Eurozonës kanë miratuar këstin e radhës të ndihmës për Greqinë, në vlerë prej 49.1 miliardë eurosh. Komisionari për Ekonomi i Bashkimit Evropian, Olli Rehn, ka thënë se vendimi i sotëm “shënon fundin e muajve të gjatë të pasigurisë për vendin e goditur nga borxhet”.

Qeveria greke ka nxituar në përmbushjen e reformave të kërkuara nga kreditorët ndërkombëtarë, për të shmangur falimentimin eventual.

Vendimi vjen pasi ministrat e Financave të 27 vendeve të Bashkimit Evropian janë pajtuar mbrëmë për mbikëqyrjen e bankave të Eurozonës nga viti 2014.

Në bazë të marrëveshjes, e cila shihet si një hap i rëndësishëm drejt unionit bankar, të paktën 150 banka të mëdha do të jenë nën mbikëqyrjen direkte të Bankës Qendrore Evropiane. /Telegrafi/

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.