Pa u mbyllur Kosova A s’ka donacione për energji

16:31 / 13.12.2012

Konsorciumi Kosovar i Shoqërisë Civile për Zhvillim të Qëndrueshëm (KOSID) përmes një komunikate për opinionin njoftoi arsyen e vërtetë dhe të vetme të anulimit të konferencës së donatorëve për energji të ripërtëritshme, e cila ka qenë e paraparë të organizohet nga Banka Botërore dhe Komisioni Evropian.

KOSID, thuhet në njoftim, ka siguruar një kopje të letrës zyrtare mbi anulimin e kësaj konference, të dërguar nga Komisioni Evropian (Drejtorati për zgjerim) dhe nga Banka Botërore. Në letër njoftohet kryeministri i vendit që konferenca e paraparë e donatorëve për energji të ripërtërishme shtyhet për shkak të moszbatimit të masave që çojnë në mbylljen e termocentralit “Kosova A”.

Madje në këtë letër kushtëzohet angazhimi i mëtejmë i të dyja institucioneve në sektorin e energjisë, me mbylljen pa asnjë vonesë të TC “Kosova A” .

Në letër janë aneksuar edhe hapat specifikë që Qeveria e vendit duhet të ndërmarrë për të pasur mbështetjen e mëtejme të Komisionit Evropian dhe Bankës Botërore në fushën e energjisë. /Telegrafi/

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.