Zgjedhën anëtarët e Komisionit të Granteve

15:53 / 20.12.2012

Në Ministrinë e Financave, u mbajt takimi i Komisionit të Granteve, ku të pranishëm ishin zëvendësministri i Financave, Ramadan Avdiu dhe Kryetari i Komunës së Skenderajt, Sami Lushtaku, Kryetari i komunës së Junikut, Agron Kuçi, Zyrtari Kryesor Financiar i Komunës së Gjilanit, Ilmi Limani të cilët njëherit deri tani ka qenë edhe anëtar të këtij komisioni gjatë vitin 2012, si dhe Drejtori i Buxhetit Komunal në Ministrinë e Financave, Petrit Popova, njëherit kryesues i Sekretarisë së Komisionit të Granteve.

Në këtë takim, Komisioni i Granteve, bëri përzgjedhjen me short të anëtarëve të rinj për vitin 2013 (katër kryetarë të komunave), në pajtim me Ligjin e Financave të Pushtetit Lokal. Ky komision përbëhet nga 9 anëtarë, prej të cilëve katër janë nga Qeveria, një nga Parlamenti dhe katër anëtarët tjerë janë nga niveli komunal, që përfaqësohet nga tri komuna me shumicë shqiptare dhe një komunë me shumicë minoritare.

Për vitin 2013 anëtarë të këtij komisioni u zgjodhën kryetari i komunës së Istogut, Rahovecit, Obiliqit, si dhe Zyrtari Kryesor Ekzekutiv i Zyrës Administrative e Mitrovicës Veriore.

Në fund të këtij takimi Zëvendësministri i Financave, Ramadan Avdiu duke i uruar dhe i falënderuar të gjithë të pranishmit , ai uroi që anëtarët e rinj të punojnë me po aq përkushtim, sikurse kanë punuar anëtarët e deritanishëm.

Ndërsa, kryetarët e komunave, njëherit anëtarë të këtij komisioni gjatë vitit 2012, falënderuan Ministrinë e Financave dhe anëtarët tjerë të Komisionit të Granteve për punën dhe bashkëpunimin e deritanishëm. /Telegrafi/

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.