Coca-Cola gëzon fëmijët e SOS Fshatrave në Kosovë

16:45 / 28.12.2012

Coca-Cola për të dytin vit me radhë në Kosovë ka organizuar Karvanin e Vitit të Ri, i cili njëkohësisht është traditë që organizohet nëpër shumë shtete të botës për vite me radhë. Karavani ka qenë prezent në Kryeqytet më datën 20 dhe 21 dhjetor, tek Sheshi New Born dhe përveç shfaqjes së përgatitur nga aktorët profesionist, fëmijët të cilët kanë qenë prezent kanë pranuar një dhuratë nga Coca-Cola për festat e fundvitit.

Karavani përveç argëtimit të fëmijëve të qytetit, këtë vit ka dedikuar një pjesë edhe për qëllime bamirësie. Fëmijët të cilët kanë vizituar Karavanin, kanë dhuruar lodrat e tyre dhe librat për fëmijët e SOS Fshatrave në Kosovë në këndin e punuar enkas për këtë çështje.

Përfaqësues të Coca-Cola kanë vizituar SOS Fshatrat e Fëmijëve në Kosovë, ndërsa vizita ka qenë vazhdimësi e projektit dhe përveç lodrave të cilat fëmijët i kanë sjellë tek Karavani, Coca-Cola ka ndarë buxhet me të cilin fëmijëve të SOS Fshatrave ju ka dhuruar Libra, Materiale Shkollore si dhe Lodra tjera për më të vegjlit.

Gjatë vizitës Zonja Albana Zogu, Kordinatore për Mbledhjen e Fondeve në SOS, falënderoi Coca-Colan për mbështetjen e dhënë për vite me radhë këtij institucioni.

Coca-Cola ju uron festat e fundvitit dhe ju dëshiron çdo të mirë në 2013!. /Telegrafi/

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.