Serbia bojkoton takimin për shkak të Kosovës

16:29 / 18.01.2013

Serbia nuk do të marrë pjesë në takimin e ministrave të Bujqësisë në Panairin e 78 ndërkombëtar në Berlin, për shkak të pjesëmarrjes së Kosovës, respektivisht ministrit të Bujqësisë Blerand Stavileci.

“Pasi që Gjermania do ta trajtojë delegacionin kosovar “si të Republikës së Kosovës, ne nuk do të marrim pjesë në tubim”, u ka thënë gazetarëve sekretari i Ministrisë së Bujqësisë së Serbisë, Danillo Goluboviq.

Ai ka thënë se, nikoqiri nuk ka përmbushur kërkesën e Qeverisë së Serbisë që përskaj emrit të Kosovës të vendoset asteriski, apo fusnota, raporton Rel.

Kjo nuk është hera e parë që Serbia nuk merr pjesë në tubimet ndërkombëtare, edhe pse në Bruksel është arritur marrëveshja me Kosovën për bashkëpunimin rajonal, përkatësisht pjesëmarrjen në konferencat e tilla. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.