Shqipëri, rritja ekonomike më 2012 vetëm 2%

13:53 / 11.02.2013

Rritja ekonomike për vitin 2012 nuk mund të ishte më e lartë se 2 për qind. Sipas vlerësimeve të bëra nga Banka e Shqipërisë (BSH), tremujori i fundit i cili mbante dhe shpresat e financave shqiptare për të përmirësuar disa shifrat e rritjes ekonomike pritet të jetë më i ulët se tremujori i tretë, që shënoi vlerën 2.7 për qind.

Gjatë prezantimit të raportit të politikës monetare për tremujorin e fundit, Banka e Shqipërisë ka konstatuar gjatë 2012-ës një rënie të përgjithshme të konsumit, gjë e cila ka përkeqësuar ndjeshëm situatën biznesit, dhe jep pasiguri në të ardhmen.

Raporti i bankës qendrore theksonte më tej situatën e vështirë në sektorin e punësimit, ku për ndërmarrjet private punësimi rezultonte të ishte në stanjacion, ndërkohë që në total për 9 muajt e parë të vitit të kaluar shkalla e punësimit është rritur vetëm me 0.03 për qind. Por një element tjetër i rëndësishëm mbetet fakti sa një pune përkthehet në para në ekonomi, pra produktiviteti i punës, që sipas këtij raporti rezulton -5.5 për qind.

Gjithashtu Banka e Shqipërisë vlerëson se huat e marra nga qeveria kane ndikuar duke mbajtur të larta normat e interesit. Për 2013-ën raporti vlerëson se eksportet do të jenë në vlera më të ulta se një vit më parë, si rezultat i situatës ekonomike në Eurozonë. /Telegrafi/

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.