Protestat nuk ndalen deri në përmbushjen e kërkesave

13:37 / 25.02.2013

Një numër qytetarësh protestuan kundër politikave të KEK-ut rreth tarifave dhe “hajnisë së KEK-ut”, siç kanë thënë ata edhe përkundër kushteve atmosferike. Grupi i Qytetarëve të Organizuar, ka kërkuar nga KEK-u rishikim të faturave, gjetjen e përgjegjësve për hajninë që ka ndodhur dhe mosngritja e çmimeve siç është paraparë për në muajin prill.

Nga qytetarët e pranishëm në protestë u kërkua që me protesta të vazhdohet për çdo ditë.

“Protestat për çështjen e faturave të KEK-ut do të fillojnë të mbahen çdo ditë deri në përmbushjen e kërkesave. Hapat e mëtutjeshëm të protestuesve do të jenë në përputhje me veprimet e institucioneve dhe KEK-ut, rreth çështjes së ngritur”, thuhet në komunikatën e Grupit të Qytetarëve të Organizuar.

Ky grup ka ftuar sindikatat, grupet e ndryshme shoqërore dhe të gjithë qytetarët e Kosovës që të marrin pjesë në protesta.

“Ata qytetarë që nuk kanë mundësi të vijnë në Prishtinë për të protestuar para selisë qendrore të KEK-ut, le të mblidhen pranë zyrave të KEK-ut nëpër vendbanimet e tyre. Muaji prill po afrohet, faturat e reja me çmime enorme po vijnë, varfëria po troket në dyert e secilit”.

Pas protestës, mediat janë pritur nga zëdhënësi Viktor Buzhala, i cili tha se çdo ankesë e qytetarëve është duke u shqyrtuar, ndërsa shtoi se shkyçjet janë duke u bërë për konsumatorët borxhlinj të muajve paraprak, e jo për këtë muaj. /Telegrafi/

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.