Protesta më masive javën tjetër

14:06 / 27.02.2013

Grupi i qytetarëve kanë protestuat edhe të mërkurën para selis qendrore të KEK-ut në Prishtinë, për të shprehur pakënaqësitë e tyre kundër shtrenjtimit të energjisë elektrike.

Për më se gjysmë ore, qytetarët kanë mbajtur të bllokuar njërën pjesë të rrugës përballë KEK-ut duke paralajmëruar që me 6 mars do të organizohet një protestë më masive.

Në shenjë pakënaqësie qytetarët dogjën një faturë të improvizuar dhe kërkuan që faturat e muajit janar të shpallen të pa vlefshme.

Organizatorët e protestës kanë paralajmëruar protestë për të mërkurën e ardhshme.

Në një komunikatë për media nga Grupi Organizativ është thënë se nëse qytetarët nuk paguajnë fatura atëherë KEK-u le të ankohet për secilin individualisht. “Kërkesat e protestueseve vazhdojnë të mbesin të njejta, kurse për një organizim më madhështor protesta e ardhshme po paralajmërohet me datën 6 mars 2013. Protesta e ardhshme do të jetë gjithë popullore dhe do të ftohet të gjitha organizatat joqeveritare, partitë politike, grupet e interesit, sindikatat dhe të gjithë qytetarët e prekur dhe të tjerë që sa më masivisht të përkrahin kërkesat e qytetarëve të shprehura në protestat e deritanishme dhe të ndihmojnë me organizim e protestës së ardhshme”, theksohet në komunikatë. /Telegrafi/

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.