Bedri Hamza zgjidhet Guvernator i BQK-së
Me 58 vota Kuvendi i Kosovës ka zgjedhur Beri Hamzën Guvernator të ri të Bankës Qendrore të Kosovës (BQK), kurse kundërkandidati i tij, Gani Gërguri ka marr vetëm 3 vota, kurse 6 vota kanë qenë të pavlefshme.Pas votimit në Kuvend dhe zgjedhjes së Bedri Hamzës në postin e Guvernatorit të BQK-së vendimi për nënshkrim do t’i dërgohet Presidentes Atifete Jahjaga.
Në votim kanë marrë pjesë 67 deputet, kurse deputetët e LDK-së dhe Vetëvendosjes e kanë lëshuar seancën në të cilën është votuar për Guvernatorin e ri.
Hamza para se të zgjidhet Guvernator ka ushtruar pozitën e zëvendësministrit dhe ministrit të Financave në Qeverinë e Kosovës.
Në garë për Guvernator ka qenë Gani Gërguri i cili ka qenë në këtë pozitë para se të zgjidhet Bedri Hamza. /Telegrafi/
