“Fajdexhinj” me marrëveshje

11:36 / 27.03.2013

Në Kosovë bankat komerciale i caktojnë normat e interesit me marrëveshje. Shumë afër këtij konstatimi ishte Osman Ejupi, para se t'i përfundonte mandati si kryetar i Autoritetit Kosovar të Konkurrencës. Por, rezultatet e hetimit që kishte filluar më shumë se një vit, institucioni që ai drejtonte nuk u bënë publike asnjëherë.

Sipas Osman Ejupit, indikacionet preliminare të hetimeve që janë zhvilluar nga Autoriteti Kosovar i Konkurrencës (AKK) për bankat kanë rezultuar se në veçanti bankat me kapital të huaj kanë marrëveshje të fshehura në mes vete për aplikimin e normave të interesit për kredi.

“Më skadoi mandati dhe për çudi asnjë rregullator deri më tash nuk e ka hequr kryetarin në momentin që t’i skadojë mandati, por deri në momentin kur zgjidhet tjetri, apo rizgjidhet, shkruan Tribuna.

Tash nuk e di se deri ku kanë shkuar ato hetime dhe pse nuk është hartuar raporti”, ka thënë Osmani. Ish-kryetari i AKK-së, tash profesor në Kolegjin “Viktoria”, është i bindur se bankat nuk janë të pastra në punën që bëjnë. “Kanë pasur dhe i kanë (bankat) edhe më tutje kamatat për kredit dhe produktet e ngjashme”, pohon Ejupi, pozita e të cilit në AKK ka mbetur e zbrazët tash e 15 muaj. /Telegrafi/

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.