Mancini: Mund ta fitojmë FA Cup pa Tevez
Menaxheri i Manchester Cityt, Roberto Mancini, ka shprehur besimin e tij se skuadra mund ta fitojë FA Cup edhe pa sulmuesin Carlos Tevez, nëse argjentinasi nuk do të riaftësohet në kohë për finalen ndaj Stoke Cityt.“Nëse dëshirojmë të përmirësohemi si ekip dhe të vazhdojmë të fitojmë, atëherë duhet të mësohemi të luajmë pa lojtarë si Tevez, Yaya Toure dhe David Silva. Është me rëndësi që të përmirësoheni si ekip”.
“Manchester United luajti me tetë lojtarë të përbërjes së dytë ndaj Schalkes dhe kështu duam të fitojmë edhe ne. Kur mund të bëni ndryshime dhe të fitoni, atëherë jeni ekip i mirë”, ka thënë Mancini. /Telegrafi/
