Liverpooli fiton, por “kundërshtari shënoi më shumë gola”
Me rezultat prej 6-1, Liverpooli ka fituar përballë Brighton për të siguruar kualifikimin në çerekfinale të Kupës FA.Martin Skrtel e hapi serinë e golave (5’), ndërsa Kezenga Lualua e barazoi rezultatin (17’), por ky rezultoi gol i nderit për mysafirët.
Liam Bridcutt shënoi autogol në fund të pjesës së parë (44’) për t’i dërguar Redsat në pushim me epërsi.
Në gjysmën e dytë, fillimisht shënoi Andy Carroll (57’), pastaj pasuan dy autogola të tjerë të mysafirëve, ndërsa realizues ishin (sërish) Liam Bridcutt (71’) dhe Lewis Carl Dunk (74’).
Rezultatin përfundimtar e vendosi Luis Suarez (85’), i cili paraprakisht dështoi nga penaltia. /Telegrafi/
