Cech: Chelsea favorit për KBK

11:01 / 11.12.2012

Portieri i Chelsea, Petr Cech, thotë se Blutë janë favoritë për ta fituar trofeun e sivjetme të Kupës Botërore të Klubeve.

“Ne jemi kualifikuar drejt në gjysmëfinale, si edhe Corinthians, andaj ne duhet të shihemi si favoritë”.

“Unë mund të jetoj me këtë fakt. Nuk është problem për ne. Ne erdhëm për të dhënë më të mirën dhe për t’u përpjekur ta fitojmë garën, dhe ne mund ta pranojmë pozitën e favoritit dhe do ta dëshmojmë këtë në fushë”, ka thënë Cech.

Chelsea do ta fillojë garën me gjysmëfinalen e të enjtes kundër skuadrës meksikane Monterrey, fitues i Ligës së Kampionëve CONCAF (Amerikës Veriore, të Mesme dhe Karaibeve). /Telegrafi/

 

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.