Xavi: Lufta për titull nuk ka mbaruar
Mesfushori i Barcelonës, Xavi, ka këmbëngulur se klubi katalanas nuk e ka siguruar ende titullin e kampionit në La Liga.
Barcelona është 11 pikë para Real Madridit dhe gjashtë pikë para Atletico Madridit, ndërsa gjasat e mëdha për titull Xavi i mohon duke thënë se ende është herët.
“Është herët të flasim për titull. Dy klube tjera janë në luftë, ndërsa nuk bën të harrohet Real Madridi, që përkundër largësisë po na përcjell. Është ende rrugë e gjatë për ta fituar kampionatin”, ka thënë Xavi.
