Casillas: Do të shkoja në pushime me Ronaldon

19:03 / 14.12.2012

Kapiteni i Real Madridit, Iker Casillas, ka thënë se ai do të shkonte në pushim me Cristiano Ronaldon, teksa vazhdon të hedhë poshtë spekulimet se ai dhe ylli portugez nuk kanë marrëdhënie të mira.

Ka pasur zëra se Casillas dhe Ronaldo nuk po flasin, madje edhe kanë krijuar klane në klubin mbretëror, por kapiteni i klubit hedh poshtë këto teori konspirative duke thënë se ai do të shkonte madje në pushime me Ronaldon.

“Në pushime me Ronaldon? Sigurisht se po... por jo me shpenzimet e mia”.

“Cristiano Ronaldo, Pepe dhe Fabio Coentrao kalojnë shumë kohë së bashku, ata janë më njëri-tjetrin si në udhëtimet me kombëtaren ashtu sikurse në klub, ku po qëndrojnë pak më të vequar”.

“Marcelo është humoristi i ekipit, përderisa Mesut Ozil është i drejtpërdrejt dhe nuk dëshiron të flasë. Khedira është i njëjtë dhe kjo nuk e ka penguar Ramosin ta bëjë shok të ngushtë Ozilin”.

“Bashklojtarët e mi më quajnë ‘shalqi’ (gjuhë popullore: bastan), për shkak se koka ime është më e madhe se sa trupi dhe kjo kja qenë gjithmonë”, theksoi Casillas.

Ai vazhdoi të komentonte mbi stilin e pazakontë të veshjes së Benzemas, përderisa sqaron pse nuk i bëhet vonë pse gazetarët bëjnë spekulime për të.

“Të brendshmet e Benzemas janë glamuroze. Ato sigurisht se ju tërheqin vëmendjen. Ato kanë aq shumë ngjyra, sa që nuk lënë pa u vërejtur. Karim është djalosh i vërtet”.

“Duhet që të jeni sa më të thjesht si figurë publike. Duhet të kuptoni pse njerëzit gjithmonë ju fotografojnë, pasi ky është profesioni i tyre, edhe ata duhet të jetojnë”, është shprehur ‘San Iker’.
 

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.