Macari: Ronaldo do të pritet mirë në Old Trafford

19:13 / 20.12.2012

Legjenda e Manchester Unitedit, Lou Macari, beson se tifozët e Djajve të Kuq, do ta presin mirë ish-yllin e tyre, Cristiano Ronaldon, kur të ndeshen në Ligën e Kampionëve me Real Madridin.

 ”Jo çdo ish-lojtar i Manchester Unitedit meriton dhe merr një pritje të mirë kur të kthehet, por unë nuk kam dyshim që Ronaldon do ta presin mirë tifozët tanë. Do të tronditesha nëse dikush do ta vërshëllente”.

”Çfarë ka bërë ai për Unitedin është në të kaluarën, por e kaluara e tij nuk është shumë e largët dhe kujtimet për të janë ende të freskëta”.

”Neve po na thonë që ‘dy të veçantë’ po kthehen në Old Trafford, por për Unitedin është vetëm një i veçantë dhe ai është Cristiano Ronaldo. Ai mbahet në piedestalin më të lartë sepse ai ka bërë gjëra të mëdha për ne”, ka thënë Macari për Goal./Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.