Mourinho e ngacmon Benitezin
Jose Mourinho e ka ringjallur rivalitetin me trajnerin aktual të Chelseat, Rafael Benitez, duke e ngacmuar rreth dështimit në Kupën e Botës për Klube.Pas eliminimit nga Liga e Kampionëve, Blutë u mposhtën edhe në finale të Kupës së Botës për Klube nga Corinthians, ndërsa performancat e klubit që nga angazhimi i spanjollit, nuk kanë qenë të kënaqshme.
Spekulimet se Mourinho mund të largohet nga Real Madridi dhe se Benitez mund ta zë vendin e tij, i ka shfrytëzuar portugezi për ta ngacmuar Rafan.
“Unë nuk e di se ku do të shkojë. Por si një tifoz i Chelseat, shpresoj që gjatë ndeshjes ndaj Corinthians të mos ketë menduar për Madridin”, ka deklaruar 49-vjeçari në një konferencë për media. /Telegrafi/
