Vendi i tretë është i Arsenalit

15:52 / 22.12.2012

Arsenali ka arritur të nxjerrë fitore të rëndësishme prej 1-0 si mysafir i Wigan Athletic në takimin e zhvilluar të shtunën në DW Stadium.

Arouna Kone e pati rastin më të mirë në pjesën e parë për t’i kaluar vendasit në epërsi, mirëpo ishte i pasaktë, ndërsa Oxlade-Chamberlain dhe Podolski patën rastet e mysafirëve.

Pas një ore lojë u akordua penalti në favor të Topçinjve për shkak të ndërhyrjes së gabuar në Theo Walcott. Mikel Arteta ishte i saktë nga pika e bardhë (60’).

Arsenali mori tri pikët, por kjo ishte ndoshta fitorja “më e keqe” e tyre këtë edicion. Sido që të jetë, ata pozicionohen në vend të tretë, me një pikë përpara Chelseat që ka dy ndeshje më pak të zhvilluara. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.