Xavi: Fitorja është për Vilanovan
Mesfushori i Barcelonës, Xavi, ka thënë se fitorja ndaj Valladolidit me rezultat 3-1 i dedikohet trajnerit Tito Vilanova, i cili u lirua nga spitali pak momente para se të fillonte sfida. “Ne duam të festojmë fitoren për Titon. Ai nuk po kalon nëpër kohërat më të mira, por tani është në shtëpi dhe ky është lajm i mirë. Operacioni shkoi mirë dhe ne punuam shumë që t’ia dedikojmë atij këtë fitore”, theksoi Xavi.
Barcelona ka 16 fitore nga 17 ndeshje të zhvilluara në La Liga dhe Xavi beson se si rezultat është cimentuar vendi i parë në tabelë.
“Rezultatet pozitive e kanë konsoliduar vendin tonë në maje të tabelës”, është shprehur Xavi. /Telegrafi/
