Huntelaar nënshkruan kontratë të re me Schalke 04

15:24 / 23.12.2012

Sulmuesi holandez, Klaas-Jan Huntelaar, ka publikuar vetë lajmin se ka nënshkruar kontratë të re me klubin e tij, Schalke 04, deri në vitin 2015.

E ardhmja e 29 vjeçarit ishte në dyshim kohëve të fundit, pas spekulimeve të shumta që e lidhnin atë me shumë klube të njohura evropiane, por tani gjithçka është bëre e qartë nga vetë lojtari, i cili ka nënshkruar kontratë të re me klubin.

”Jam shumë i lumtur të ndaj këtë lajmë të mirë me ju. Kam nënshkruar kontratë të re me Schalke 04 deri në vitin 2015..!!”, ka thënë Huntelaar në profilin e tij në Twitter.

Ai më vonë postoi edhe në profilin e tij në Facebook duke thënë: “Dua t’i falënderoj të gjithë tifozët e Schalkes për durimin e tyre gjatë kësaj periudhe. Prej fillimit unë kam pas një ndjenjë të mirë për klubin dhe tifozët”.

”Unë besoj sene mund të arrijmë gjëra të bukura në Bundesliga dhe në Ligën e Kampionëve. Jam krenar që jam pjesë e këtij klubi të madh”, përfundoi Huntelaar./Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.