El Shaarawy: Më ndihmoi kriza ekonomike

17:07 / 27.12.2012

Sulmuesi i Milanit, Stephan El Shaarawy, ka ‘falënderuar’ krizën financiare të klubit për mundësinë që ai të shpërthejë në Serie A, teksa pranon se kurrë nuk ka pritur që viti për të të ishte i tillë.

Një vit më parë marokeni që luan për kombëtaren italiane nuk ishte as në pankinë, ndërsa me kohë, sidomos pas shitjes se yjeve si Silva, Cassano dhe El Shaarawy atij iu ofrua mundësia për të shpërthyer.

“Gjithçka ishte e papritur. Një vit më parë, unë kurrë nuk do të kisha besuar se do të isha tani golashënuesi më i mirë në Serie A”.

“Kriza ekonomike në klub më ndihmoi mua dhe shumë lojtarëve tjerë të rinj për të treguar aftësitë e tyre. Ne thjesht kemi pasur nevojë për hapësirë dhe kjo na u dha falë krizës financiare të klubit”, ka deklaruar El Shaarawy. /Telegrafi/
 

 

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.