Hulk: Ishte sfidë të luaj në -12 gradë

16:04 / 28.12.2012

Sulmuesi i Zenitit, Hulk, e ka mbrojtur vendimin e tij për t’iu bashkuar Zenitit dhe ka thënë se sfida më e madhe për të ishte të luajë në të ftohtin e madh.

“Vendosa të shkoj te Zeniti sepse kisha fituar pothuajse gjithçka me Porton dhe me pëlqejnë sfidat e reja. Shpresoj të vazhdoj të fitoj edhe këtu në të ardhmen e afërt”.

“Unë po mësohem me shtëpinë e re këtu dhe tani më duhet të fokusohem vetëm në futboll. Sfida më e madhe në Rusi ishte moti i ftohtë, por pasi luajta në -12 gradë celsius, më ndihmoi të përshtatem më shpejt”.

“Ne do të luftojmë për titullin e ligës dhe do të mundohemi ta fitojmë Europa Ligën”, ka thënë Hulk për O Estado de Sao Paolo. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.