Messi nuk ia kishte mbushur syrin ish-agjentit të tij
Ish-agjenti Lionel Messit, Horacio Gaggioli, i cili e përfaqësoi lojtarin deri në vitin 2005, ka thënë se kur e ka parë për herë të parë yllin argjentinas nuk ia ka mbushur syrin, pasi që ishte shumë i shkurtër dhe i hollë.“Kur e pashë Messin duke zbritur nga aeroplani, mbeta gojëhapur. Mendova se isha në telashe që po bëja gjithçka për një djalë i cili ishte shumë i shkurtër dhe i hollë”.
“Disa bashkëpunëtorë të mi në Argjentinë më treguan për Leon kur ai ishte 11 vjeçar. Ata më thanë se është shumë i mirë dhe unë desha që ta sillja në Spanjë”.
“Sidoqoftë, mua më është dashur t’ia gjej një ekip me karakteristika të veçanta dhe një qytet ku ai mund të vazhdonte tretmanin për hormonin e rritjes”, ka thënë Gaggioli për XL Semenal. /Telegrafi/
