PSG nuk do ta kërkojë Ronaldon në janar

21:04 / 28.12.2012

Menaxheri i Paris Saint-Germain, Carlo Ancelotti, ka përgënjeshtruar mundësinë e transferimit të Cristiano Ronaldos në afatin kalimtar të janarit.

Kohët e fundit mediat po spekulojnë se portugezi dëshiron të largohet nga Santiago Bernabeu, ndërsa klubi francez është përfolur si destinacion i mundshëm.

“Nuk ka gjasa që ai të vijë. Paratë (që ne do të ofronim) nuk mjaftojnë. Gjëja më e rëndësishme është dëshira e klubit për të cilin luan”.

“Ai ka një talent madhor që ka nevojë për qëndrueshmëri. Mua më pëlqen t’i kem këta lloj lojtarësh dhe i kam”.

“Ajo çfarë lexoj nëpër gazeta nuk ka kuptim. Me Lucas Mouran, ne do të kemi 30 futbollistë dhe nuk më duhen më shumë”, ka sqaruar italiani për La Stampa. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.