Mazzarri: Një vit i mirë për Napolin

21:21 / 29.12.2012

Trajneri i Napolit, Walter Mazzarri, ka thënë se viti 2012 ishte vit i mirë për skuadrën e tij, e cila fitoi Kupën e Italisë, luftoi për Scudetto dhe mori pjesë në Ligën e Kampionëve.

“Ka qenë një vit i rëndësishëm duke iu falënderuar të gjithëve për punën e bërë, klubit, stafit dhe lojtarëve”.

“Nganjëherë në futboll ju mund të arrini gjëra të jashtëzakonshme. Është lehtë të përfundosh lartë në tabelë në një vit, por është e vështirë të qëndrosh aty përsëri vitin e ardhshëm”.

“Napoli ia ka dalë mbanë që të qëndrojë në këtë nivel dhe ka arritur rezultate të cilat na kanë sjellë në këtë nivel ku jemi sot. Ky është një hap i madh për klubin”, ka thënë Mazzarri për faqen zyrtare të klubit. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.