“Nuk ka arsye që Casillas të mos luajë”

9:17 / 30.12.2012

Ish-portieri i Real Madridit, Bodo Iligner, ka pranuar se ai nuk ka parë arsye pse Iker Casillas të mos luajë ndaj Malagas javë më parë në sfidën që vazhdon të polemizohet.

 “Isha shumë i befasuar pse ai nuk startoi. Kjo shënoi fundin e një epoke, pasi askush, duke përfshirë dhe veten, nuk e kishte pritur këtë pasi e kemi parë për dhjetë vjet në gol. Është shumë vështirë për një portier. Vetëm një lojtar mund të luajë në portë. Kjo është gjëja më e keqe për pozicionin tonë”.

“Jam i sigurtë se atij i erdhi rëndë, por ai do të kthehet edhe më i fortë se që ka qenë. Unë e kam parë secilën ndeshje dhe e kam vërejtur se ai ka luajtur mirë. Nuk mendoj se lënia e tij në stol ka të bëjë me nivelin e tij të paraqitjeve”, ka thënë Iligner. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.