Valdano: Mourinho, sukses mesatar te Reali

11:07 / 5.01.2013

Ish-drejtori sportiv i Real Madridit, Jorge Valdano, e ka quajtur rekordin e Jose Mourinhos te klubi mbretëror si mesatar, teksa lëvdoi stilin ‘romantik’ të futbolli të Pep Guardiolas.

 Mourinho e ka fituar La Ligën gjatë dy viteve të fundit si trajner i Realit dhe arriti dy herë në gjysmëfinale të Ligës së Kampionëve, ndërsa Valdano nuk çuditet nga ky sukses.

“Që prej epokës së Di Stefanos, Real Madridi ka fituar më shumë tituj se të gjitha klubet tjera spanjolle së bashku. Kjo do të thotë se ekipi fiton mesatarisht nga një trofe në dy vite. Mourinho është në mesatare – ai e ka marrë një titull brenda dy vitesh”.

“Trajnerët taktikë po marrin në dorë futbollin. Mourinho është sinonim i fjalës fitore. Ai ka fituar shtatë tituj të kampionateve në 10 vite dhe ende ka apetit për të fituar. Kjo është arsyeja pse njerëzit e pëlqejnë dhe ai është atraktiv”, ka theksuar Valdano.

Ai më tej lëvdoi Pep Guardiolën dhe stilin e bukur të futbollit që aplikon Barcelona.

“Guardiola ishte i lodhur, ai është dukur ashtu. Unë u pikëllova për futbolin sepse ai është Epitomi i madhështisë që dikush mund të kërkojë për këtë lojë. Ai ka ide specifike për futbollin dhe ideja mbetet romantike përkundër faktit se ai ka fituar 13 tituj nga 16 të mundshme”, përfundoi argjentinasi. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.