Interi konfirmon klauzolën për Balotellin

20:14 / 10.01.2013

Interi ka konfirmuar me anë të drejtorit sportiv, Pier Ausilio, se ka klauzolë në marrëveshjen me Manchester Cityn për transferimin e sulmuesit Mario Balotelli.

22 vjeçari është lidhur me një rikthim në Serie A dhe duket se konfirmimi i klauzolës së shumëpërfolur përbën goditje të madhe për Milanin që u konsiderua favorit për supersulmuesin.

“Është e vërtetë, Interi ka klauzolën e blerjes në rast se shitet Mario Balotelli. Ne do të vendosim nëse do të aktizivojmë atë në momentin që City na njofton se dëshiron ta shesë. Mario mund të luajë përkrah secilit sulmues”, ka theksuar Ausilio.

Klauzola e Interit në marrëveshjen me Cityn i mundëson Nerazzurëve epitetin e klubit që do të favorizohej në rast se klubi anglez vendos ta shesë Balotellin.

Kështu, Interi seriozisht hyn në garë për Mario Balotellin dhe i bën konkurrencë Milanit, që po ashtu ka shprehur interesim për sulmuesin.

 

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.