Iniesta, mesfushori më i mirë kreativ në botë

18:03 / 15.01.2013

Mesfushori spanjoll i Barcelonës, Andres Iniesta, është zgjedhur “plejmejkeri” më i mirë në botë nga Federata ndërkombëtare për histori dhe statistika të futbollit – IFFHS.

Në anketën e IFFHS-së kanë marrë pjesë gazetarët e zgjedhur dhe ekspertët e futbollit nga të gjitha kontinentet, ndërsa ata kanë zgjedhur si mesfushorin më të mirë kreativ 28-vjeçarin e klubit katalunas.

Futbollisti spanjoll ishte lojtari më i mirë i Euro 2012, u shpall lojtari më i mirë në Evropë nga UEFA dhe ishte finalist për çmimin ‘FIFA Topi i Artë’.

Iniesta ndiqet nga bashkëlojtarët e tij Xavi Hernandez dhe Lionel Messi (që është përfshirë në rolin e ‘plejmejkerit’), derisa top-pesëshin e mbyllin Andrea Pirlo dhe Mesut Oezil. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.