Barcelona respekton vendimin e Valdes
Drejtori sportiv i Barcelonës, Andoni Zubizarreta, ka thënë se klubi katalanas do të respektojë Victor Valdesin dhe vendimin e tij për të mos rinovuar kontratën. Valdes ka njoftuar klubin me anë të agjentëve të tij se nuk do të rinovojë kontratën që i skadon në fund të sezonit të ardhshëm dhe drejtuesit e Barcelonës kanë respektuar vullnetin e tij.
“Ne kemi mbajtur takimin e parë për inicimin e rinovimit të Valdes. Takimi filloi duke pritur që shpejt të arrihej rinovimi me vullnetin e të dyja palëve, pasi e konsiderojmë portier të klasit botëror”.
“Por, para se të bënim ofertën tonë apo para se të bisedonim diçka, agjenti i tij tha se vendimin ai tashmë e kishte marrë dhe se ai nuk do të qëndrojë më shumë se sa deri në verën e vitit 2014. Është një vendim i parevokueshëm”.
“Ne duhet që të repsektojmë vendimin professional të lojtarit që kaloi 12 vite të suksesshme në shtëpinë e tij. Duke pasur parasysh këtë, ju kërkoj ta respektoni portierin tonë legjendar”, ka thënë Zubizarreta. /Telegrafi/
