Ndalet Unitedi

19:07 / 20.01.2013

Manchester Unitedi nuk ka mundur të fitojë në White Hart Lane kundër Tottenhamit, edhe pse pati avantazhin deri në fund të takimit. Rezultati përfundimtar ishte 1-1.

Edhe pse vendasit kontrolluan lojën gjatë pjesës më të madhe të kohës në fraksionin e parë, ishin mysafirët ata që realizuan golin e vetëm.

Në rastin e parë për të shënuar, Robin van Persie i kaloi Djajtë e Kuq në epërsi (25’). Asistimi ishte i Tom Cleverley.

Në gjysmën e dytë, Spursat humbën raste të shumta shënimi dhe atëherë kur mendohej se United do të arkëtojë tri pikë të reja, erdhi goli i barazimit.

Aaron Lennon ktheu një top te Clint Dempsey, i cili siguroi një pikë të merituar për ekipin vendas (90’+3).

Manchester Unitedi mban kreun e Ligës Premier, por tash diferenca me rivalin Manchester City është pesë pikë. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.