Zyrtare: Zaccardo lojtar i Milanit
Milani ka arritur të transferojë Cristian Zaccardon nga Parma në formë shkëmbimi me Djamel Mesbah, ndërsa anësori Ignazio Abate është shumë pranë largimit nga Milanello. Agjenti i mbrojtësit të krahut të djathtë ka konfirmuar për mediat italiane se ai do të ketë kontratë me Milanin deri në vitin 2017 dhe tani ka ardhur edhe zyrtarizimi nga klubi Rossoner.
Në ndërkohë Andrea D’Amico, agjenti i mbrojtësit Ignazio Abate, është në Rusi duke negociuar me drejtorët e Zenit St. Petersburg. Besohet se Abate është shumë pranë largimit nga Milani.
Milani duket se e ka marrë seriozisht punën në përforcimin e ekipit, pas dështimit të tratativave për transferimin e Leite Kakas. /Telegrafi/
