Podolski: Liga Premier më e vështirë se Bundesliga

9:58 / 25.01.2013

Sulmuesi i Arsenalit, Lukas Podolski, thotë se Liga Premier është një hap më lartë nga ajo çfarë ai kishte provuar në Bundesliga.

 Pavarësisht se tre skuadra gjermane janë kualifikuar në 16-shen e fundit të Ligës së Kampionëve, Podolski thotë se futbolli anglez ofron një sfidë më të madhe.

“Mendoj se është më vështirë këtu. Ju keni ndeshje të vështira dhe pastaj shihni ligën gjermane dhe ka vetëm një ekip aty – Bayerni”.

“Mendoj se kualiteti i ligës gjermane është shumë më i mirë tash, jo si që ishte pesë vite më parë. Por mendoj se Liga Premier është ca më e mirë”.

“Kur shikoni në ligë tash, ne kemi 15 ndeshje të mbetura dhe duhet të luftojmë për t’u kthyer në top katërshe”, ka thënë Podolski. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.