Napoli në ‘-3’, po vjen Milani

17:03 / 27.01.2013

Napoli ka shënuar fitore prej 2-1 kundër Parmës në Stadio Ennio Tardini.

Marek Hamsik i kaloi mysafirët në epërsi, pas asistimit të mesfushorit shqiptar, Blerim Xhemajli (20’) dhe ky ishte goli i vetëm në pjesën e parë.

Në gjysmën e dytë, Paolo Cannavaro shënoi një autogol (74’) për ta vënë në vështirësi ekipin e tij.

Mirëpo, aty ishte Edinson Cavani për të fituar tri pikë mjaft të rëndësishme (85’).

Ndërkaq, me një gol të vetëm të shënuar nga Stephan El Shaarawy (29’), Milani ka fituar si mysafir i Atalantas.

Fitorja e Napolit e ngushton diferencën me liderin Juventus në tri pikë, ndërsa Milani pozicionohet në vend të pestë me gjashtë pikë larg pozitës së tretë që mbahet nga Lazio dhe 12 pikë prapa pozitës së parë. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.