Galatasaray transferon Drogban

17:48 / 27.01.2013

Gjiganti turk, Galatasaray, ka transferuar një tjetër emër të madh. Bëhet fjalë për sulmuesin e Bregut të Fildishtë, Didier Drogba.

Televizioni LigTV raporton se klubi nga Stambolli ka arritur marrëveshje personale me lojtarin si edhe me klubin kinez, Shanghai Shenhua.

Ish-sulmuesi i Chelseat ka nënshkruar kontratë prej një vjet e gjysmë, ndërsa do të përfitojë rreth pesë milionë euro për sezon.

34-vjeçari është emri i dytë i madh që transferon Galatasaray, që ditë më parë siguroi shërbimet e mesfushorit holandez Wesley Sneijder nga Interi. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.