Zyrtare: Beckham lojtar i PSG-së

17:58 / 31.01.2013

Paris Saint-Germain ka zyrtarizuar nënshkrimin me mesfushorit anglez David Beckham me një kontratë pesëmuajshe, deri në fund të sezonit.

Marrëveshjen e ka konfirmuar presidenti i Paris Saint-Germain, Nasser Al-Khelaifi, gjatë një konference shtypi së bashku me Beckham.

“David ka refuzuar shumë oferta nga e gjithë bota dhe ne jemi me fat që e kemi atë këtu”, ka thënë presidenti i skuadrës franceze.

Edhe mesfushori anglez është shprehur se është “me fat” që i bashkohet skuadrës së Ligue 1.

“Jam shumë me fat. Jam 37-vjeçar dhe kam marrë shumë oferta, më shumë se kurrë më herët në karrierën time. Jam i nderuar nga kjo. Zgjodha Paris pasi po shoh se çfarë klubi po mundohet të arrijë”, ka thënë Beckham para gazetarëve. /Telegrafi/

 

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.