Barca gabon, por i falet
Valencia e ka ndalur në një barazim 1-1 Barcelonën në Mestalla, një barazim ky që nuk i pengon katalanasit në mbajtjen e pozitës së parë. Tifozët në Mestalla u argëtuan me një lojë dinamike, të diktuar nga vendasit të cilët kishin më shumë raste.
Ky dominim në raste për Valencian u shpagua pas 33 minutash lojë kur Ever Banega shënoi për 1-0 dhe gëzimin e tifozëve vendas.
Në minutën e 39-të u akordua një penalti për Barcelonën, të cilën e konkretizoi Lionel Messi për 1-1. Natyrisht, në portën e duhur, e jo të gabuar sikur disa të tjerë.
Në pjesën e dytë u zhvillua lojë e baraspeshuar dhe Barcelona kërkoi golin e fitores ashtu si Valencia, megjithëse ndeshja përfundoi me rezultat 1-1.
Me këtë barazim Barcelona ka 59 pikë, 12 pikë më shumë se sa Atletico Madridi në vendin e dytë që zhvillon takimin ndaj Betisit. /Telegrafi/
